ZUNTHLUM LEH VAIHLO

Zunthlum

11. ZUNTHLUM leh VAIHLO

Zunthlum nei lote aiin zunthlum nei te ah zûk leh hmuam hian hriselna a khawih pawi lehzual thei a ni.

Vaihlo zuk leh hmuam chi hrang hrangte:

Zunthlum nei, zûk leh hmuam ti mi tana harsatna thleng theite:

• Heart attack leh stroke neih theihna a sâng.

• Kal a tichhia.

• BP a tisâng.

• Sugar a tisâng.

Eng nge zûk leh hmuam sim thatna-

Sugar control a awl a, chu mai bakah kan sim aṭanga-

Minutes 20 hnuah

• BP leh marphu te a pangngai ṭan.

• Darkar 24 hnuah lûngphu chawla thih theihna a tla hniam a.

• Kum khat hnuah lung natna kan vei theihna dinhmun hlauhawm chu zâa sawmnga(50%) in a tla hniam tawh ang.

• Kum nga hnuah phei chuan stroke theihna nasa takin a tla hniam thei a ni.

Engtin nge zûk leh hmuam ka sim theih ang?

A hmasa berin i dinhmun i hre chiang tur ani.

Engtin nge kan dinhmun kan hriat theih ang?

1. Zawhna lo awm hi kan chhang ang.

2. Kan chhanna zawna number chu kan score a ni.

3. Zawhna kan chhan zawhah kan score kan belh ang.

4. Kan score belh khawn atang hian vaihlo ngawl kan vei dan a hriat theih a.

Hetiang hian

4 aia tlem = low

4-6 inkar= medium

6 aia tam = high

1. Score a zir hian kan zuk leh hmuan nghei dan tur min kawhhmuh dawn a ni.

Vaihlo ngawl veina laka dinhmun hriatna

Vaihlo ngawlveina laka dinhmun hriatna

Zuk leh hmuam nghei tura inenkawl dan.

Score 6 aia hniamte tana inenkawl dan tur-

• Kan nghei tan ni tûr thlan tûr.

• Kan chhungte, thiante leh thawhpuiten min puih theih nan kan nghei tur thu kan hrilh ang.

• Vaihlo leh a khaihnawih thil ashtray leh lighter-te in leh hnathawhna hmun aṭanga dah bo tûr.

• Zuk leh hmuam ti bula awm loh.

• Zûk leh hmuan kan nghei avanga harsatna kan tawh tur hre chungin kan inring lâwk tur a ni.

I châkna a lo chhuahin, hengte hi ti ṭhin ang che

• I châkna te a ziaawm hma loh chu thâwk han la vâng vâng la.

• Tui i in tam hian ka a ti hlei loin, vaihlo châkna lakah nasa takin a veng ang che.

• I rilru la peng thei tûr i nuam tih zawng- hla ngaihthlak , TV en , in zawisawi etc ti ṭhin ang che.

Vaihlo nghei avanga harsatna thleng thei te-

• Vaihlo chakna

• Lu na, thinrim hma, dawhtheih lohna

• Rilru pek harsa leh ngaihtuahna mumal lo

• Chau, mut harsat

• Thil ei tûi (rilṭam)leh rihna pung

Kan hriattûr chu mi zawng zawngah a thawhdan hi a inang vek kher lo.

Khuareiah kan rilru hah vângte emaw harsatna dang avângte a zûk leh hmuana ṭuan lo turin kan in veng tûr a ni.

Score hi 6 aia a tam chuan puih kan mamawh a, hemi no ah hian __ [phone] (10am - 3pm) __ call la, counselling leh damdawi hmangin an lo pui ang che.

National tobacco control programme, health and family welfare department, India.